旺角的大佬

唔係講笑,我都試過比啲惡形惡相既阿叔趕。

話說每年都有一班醫學生要做健康推廣活動,我果組選擇左係旺角行人專用區派蘋果,推廣健康飲食(都有係呢個page宣傳過)。我地由兩點開始派,一直都相安無事。

突然一個大叔走過黎,非常不友善:「呢度係我個場,我一早用雪糕筒劃左位架喇。」

我地解釋只係推廣健康,唔會同佢地搶生意。但佢堅持要我地走。最討厭人恃強凌弱既我即刻質問返佢憑咩霸住啲公共空間(真係唔識死~),但礙於我地本住大學既名義,另一位較溫和組員即刻拉走左我,再同大叔溝通。後來大叔指住對面商舖前既空地,話:「拿,見你地幫人又唔會用好耐時間,我劃果邊位比你地啦。」

一番工夫搬左過去,未幾又比店舖入面既職員趕我地走,話我地阻住佢做生意。我地大費唇舌又解釋多次,呢個時候大叔竟然走過來干涉,三兩句說話就打發左佢地走。

所以,係一年前我已經知道,旺角行人專用區淪落如今,必定有因。我親身經歷過呢啲欺善怕惡之徒,一定係背後始作俑者之一。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s