身分證號碼的用途

【冷知識分享】讀左public health先知好多野都關佢事,例如身分證號碼。

原來有身分證號碼辨別每個人既獨特身份,幫助到好多我地收集病人數據、整合病人病歷等貌似好基本既動作。同學之間有人來自非洲,話佢地既身份證係手寫既,好明顯就有好多漏洞,亦未必好似香港咁最後有check digit,防止他人盜用號碼。但情況都未差得過美國同日本,因為當地人無id number,所以醫療系統入面都無unique identifier既機制識別一個人。因為當地人對個人資料既警覺性好高,所以多年來都未能解決呢個問題。

打個比喻,要證明你既Google、Facebook、Instagram賬戶都係同一個人,就要靠你既電郵地址。但又點能夠證明呢個電郵係現實生活中,係你呢個人擁有呢?係香港,要證明唔同醫院、診所、母嬰健康院入面既醫療紀錄都係屬於同一個人,靠既就係我地習以為常既id no.喇~

不過呢件事其實同換身分證無關,嘻嘻