太多香港人沉默、虛偽、不走正直道路。

「鄭松泰指,熱血公民的落敗是因為太多香港人沉默、虛偽、不走正直道路。」

有無之前話棄選係侮辱選民既人interpret下呢句?我對民主既解讀係只要選民用自由意志做既選擇都值得尊重,只要唔係受擺佈/要同人交待,就算佢真心誠意投建制,我都唔覺得佢既決定要比人指責。

說服唔到人投你,就話人地虛偽、不正直,係非常之唔尊重選民既行為。如果呢班人繼續「逆我者左膠、港豬」,而唔反省下自己呢套宣傳自己既方法可唔可以吸引選民選票既話,佢以後都只會吸引一班同樣私怨行先既支持者。政治最大既藝術係遊說市民信奉你果套理念,而唔係覺得佢地會唔瞭解、「無腦」而將佢地拒諸門外然後自己畫個圈圈覺得眾人皆醉我獨醒。政治就係一場講人氣既遊戲,永遠只有自己做得唔夠好,因為你既目標就係爭取佢地支持,邊有可能本末倒置將責任怪返落人地身上。

[期望理性討論]